Почитувани,

Со задоволство Ве покануваме на новиот циклус на обуки за Континуирано Професионално Усовршување кои Рафајловски Консалтинг ќе ги одржи во месец Ноември, а се дел од петтата тематска единица на обуки.

Обуките се еднодневни и ќе се одржат во следните два термини:

12.11.2024 (вторник) со почеток во 09.30 часот
14.11.2024 (четврток) со почеток во 09.30 часот

Со присуство на еднодневните обуки се стекнувате со 8 часа КПУ согласно Законот за вршење на сметководствени работи.

Согласно Правилникот за КПУ, доколку сметководителот или овластениот сметководител предвреме ги напушти часовите од еднодневната програма за едукација ќе се признаат само бодови/часови за времето што го поминал на едукацијата.

Во согласност со донесениот Правилник за КПУ, програмата и темите кои се предмет на предавање на овие обуки се одобрени од страна на Институтот на сметководители и овластени сметководители.

Програмата и темите можете да ги погледнете на крајот на оваа објава или на следниот линк (преземи).

Предмет на онлајн обуките ќе бидат теми од областа на сметководството и примената на новите МСС/МСФИ, даночната регулатива, трговското и деловното право, облигационите односи.

Важно: Во рамките на предавањата ќе се одржи панел дискусија на тема „Даночен третман на давање на добра без надомест“ каде што слушателите ќе имаат можност интерактивно преку прашања или директно со вклучување во живо во обуката да учествуваат во панел дискусијата.

За да можете да се вклучите директно во живо за да поставите прашања во панел дискусијата, потребно е да имате активен микрофон и камера на компјутерот каде што ги следите обуките.

Пријавувањето за учество на онлајн обуките се врши преку пристапување на линк, за пополнување на пријава за регистрација за учество која се наоѓа на нашата веб страна (регистрација еднодневно).

Се што е потребно да направите, е да се регистрирате за присуство со кликнување на линкот (регистрирација еднодневна обука). Со испраќање на регистрацијата, на Вашиот е-маил ќе пристигне потврда за регистрација како и про-фактура по која е потребно да извршите плаќање за присуство на онлајн обуките. Исто така на вашата е-mail адреса која е пријавена при пополнување на апликацијата за присуство, ќе добиете детално упатство како да се приклучите за следење на онлајн обуката, како и линк за следење на истата.

Онлајн обуките ќе се одржат преку апликацијата zoom која единствено пред почетокот на онлајн обуките како апликација (Zoom Client for Meetings) ќе биде потребно да ја преземете и инсталирате на вашиот компјутер (преземи апликација)

Неколку минути пред почетокот на обуката можете да се приклучите за да ја следите истата.

Надоместокот за присуство на еднодневните онлајн обуки изнесува 2.360 денари со вклучен ДДВ. (*Напомена: Ве молиме при плаќањето да се повикате на бројот на генерираната про-фактура)

Вести 2024